ՀԱՅՏԱՐԱՐՈՒԹՅՈՒՆՆԵՐ
17 մայիսի, 2007 թ.
Ալեքսանդր Արզումանյանի ընտանիքի հայտարարությունը
2007 թ. մայիսի 7-ի ուշ գիշերին ձերբակալվեց Ալեքսանդր
Արզումանյանը: Նա պահվում է Հայաստանի Հանրապետության ազգային անվտանգության
ծառայության բանտախցում` փողի լվացման մեղադրանքով:
Բոլոր նրանք, ովքեր անձամբ ճանաչում են Ալեքսանդր Արզումանյանին կամ
լսել են նրա մասին, գիտեն, որ քրեական մեղադրանքն անհեթեթ է, և որ նրա
ձերբակալությունը ներկա իշխանությունների կողմից շարունակաբար իրականացվող
բռնությունների, ահաբեկման, կաշառակերության և վարչական ռեսուրսների
չարաշահման գործելակերպի դրսևորումներից է և նպատակ ունի ճնշել ժողովրդավարությունը
և մարդու իրավունքները Հայաստանում:
Ալեքսանդր Արզումանյանը հայտնի է իր համարձակությամբ և անկաշառությամբ,
երբ դեռ երիտասարդ հասակում միացավ անկախ, ժողովրդավարական Հայաստանի
համար մղվող պայքարին, երբ ծառայում էր Հայաստանի Հանրապետությանը որպես
երկրի առաջին դեսպան Ամերիկայի Միացյալ Նահան•ներում և Միավորված ազգերի
կազմակերպությունում, երբ նշանակվեց արտաքին գործերի նախարար 1996 թ.
և երբ հրաժարական տվեց այդ պաշտոնից 1998 թ.` երբ իշխանության եկավ ներկա
կառավարությունը:
Այդ պահից ի վեր նա ակտիվորեն, օրինական քայլերով ընդդիմանում է այս
վարչակարգին: Նրան հնարավոր չէ գնել, նրան հնարավոր չէ ահաբեկել: Նա
շարունակում էր աշխատել, շարունակում էր խոսել նաև այն բանից հետո, երբ
մեր տունը խուզարկության ենթարկվեց մայիսի 5-ին` մինչև նրան ձերբակալեցին
մայիսի 7-ի կեսգիշերին մեր շքամուտքի մոտ:
Այսօր մենք խնդրում ենք Ալեքսանդր Արզումանյանի ընկերներին և գործընկերներին
Հայաստանում և արտասահմանում, խնդրում ենք նրանց, ովքեր միգուցե առաջին
ան•ամ են լսում նրա անունը, ծանոթանալ այս գործին` մեր միջոցով, մեր
փաստաբանների միջոցով, մամուլից, իշխանություններից: Միացեք Ալեքսանդր
Արզումանյանի ընտանիքին և նրա ընկերներին` հասնելու այս հարցի արդարացի
լուծմանը: Իմացեք, որ Ալեքսանդր Արզումանյանը միշտ գործել է ի շահ իր
Հայրենիքի, և եթե այսօր դա պատահեց մեր ընտանիքի հետ, վաղը նույնը կարող
է պատահել նաև ձեր ընտանիքի հետ:
Թող Հայաստանի իշխանությունները և ժողովուրդը իմանան, որ դուք հետևում
եք այս գործին, անհանգստացած եք և մտահոգված դրանով:
Ազատություն Ալեքսանդր Արզումանյանին
<===BACK===
