ԿԵՆՍԱԳՐՈՒԹՅՈՒՆ |
Ալեքսանդր Արզումանյանը
(ծնվել է 1959 թ. դեկտեմբերի 24-ին) Հայաստանի առաջին դեսպանն
էր ԱՄՆ-ում (1992–1993թթ.) և Միավորված ազգերի կազմակերպությունում
(1992–1996թթ): Նա եղել է ՀՀ արտաքին գործերի նախարարը 1996 թ.
մինչև 1998թ.` երբ հրաժարական տվեց ՀՀ նախագահ Լևոն Տեր-Պետրոսյանի
հետ: Դրանից հետո նա եղել է Հայոց համազ•ային շարժման վարչության
նախա•ահ (2000–2002թթ.), “Արմատ” քաղաքական հասարակական կազմակերպության
վարչության անդամ, Հայ-թուրքական հաշտեցման հանձնաժողովի hիմնադիր
անդամ (հայ և թուրք ականավոր գործիչներից կազմված անկախ խումբ):
2002թ. հուլիսին Հայ-թուրքական հաշտեցման հանձնաժողովը նախաձեռնեց
հեղաշրջումային քայլ` հանձնարարելով Նյու-Յորքի Անցումային արդարադատության
միջազգային կենտրոնին տալ Հայոց եղեռնի նկատմամբ ՄԱԿ-ի Ցեղասպանության
հանցագործության կանխարգելման և պատժման վերաբերյալ կոնվենցիայի
կիրառելիության իրավաբանական վերլուծությունը:
Արզումանյանը հանդիսանում է 2006թ. ստեղծված “Քաղաքացիական անհնազանդություն”
շարժման հիմնադիրը:
Արզումանյանը սովորել է սկզբում Մոսկվայի Պ. Լումումբայի անվ.
ժողովուրդների բարեկամության համալսարանում, իսկ այնուհետև` Երևանի
պետական համալսարանի մաթեմաթիկայի ֆակուլտետում: Նա աշխատում էր
որպես տեսաբան-մաթեմաթիկոս, երբ սկսեց մասնակցել անկախության շարժմանը
1980-ականների վերջին: Նա վարում էր Հայոց համազ•ային շարժման
տեղեկատվական կենտրոնը, հրատարակում էր շարժման թերթերը և այլ
սամիզդատային գրականություն` մինչև Հայաստանի անկախացումը 1991թ:
|
